香港設計、美國印刷，一份連繫兩地既情感，全程由年輕手足合作設計、出版、協商既作品，每一張都畫住屬於你同我既香港回憶！以香港抗爭、文化為主題，一套四張明信片，分別名為《回家》、《香港之路》、《前線》及《魚蛋》。

香港文化，刻畫我地既歷史，為本土主義提供根基；香港文化，不但只係陪伴我地成長既回憶，更係我地光復既動力：要光復香港，必先保衛尋於我地既文化。文化係認同，係身份，更係每個香港人既情感連繫。面對政治腐敗，劣質文化湧現，身為港人就要好好記住真正屬於香港既一點一滴。促成呢套作品，係因為負責出品既手足覺得香港文化唔只係2019年既回憶，香港人仲有好多好多值得留念既人與事。因此呢套明信片除左有兩張以2019既抗爭為主題，仲有兩張描寫左香港既食物同風景。

《魚蛋》：無論人在海外幾耐，總係好掛住香港既街頭小食。以前細細個憧憬喺外國優雅咁慢慢坐低食個high tea，而家先發現喺充滿廢氣既彌敦道食串魚蛋先係最幸福既事。亂世之下，唔少人遠走他鄉，先醒起原來安心食串魚蛋，呼吸屬於香港人既空氣，可能要光復左之後先可以做到。

《回家》：以貓喻流亡者，因為太多太多既事，令無數熱愛香港既年輕人被逼離開自己既家，一個人去到陌生既地方學習由零開始建立新既生活…..但過去既事仍然喺心入面揮之不去，難以放下既，除左對家人朋友既思念，更係對香港既思念。今日你我分隔兩地，他朝必定團聚。即使兜兜轉轉，終有一日我地要堂堂正正返到屋企！

《香港之路》：2019年8月23日，香港人喺全港築成人鏈，形成香港之路，表達對抗爭熱情不減、齊上齊落既團結。呢份情感聯繫，喺外國既香港人都會感受到。我地唔會忘記，喺迷霧裡緊握住彼此既手嗰份踏實。

《前線》：2019年11月18日，理大圍城一役裡尖東橋係，曾經裝甲車只係喺手足既面前，但手足冇打算撤，只係以死相搏，只因我地深信要守護香港直至光復之日。應承大家，要一齊見證煲底之約嗰一日！

尺寸: 4’’ X 6’’

售價: 15usd

出貨: 12月初

香港、台灣亦有銷售渠道，歡迎FB pm查詢